Жарандык активист Гүлжигит Исаков Тажикстандын биздин аба мейкиндигибизди колдонууга уруксат берилиши боюнча нааразычылыгын билдирди. «Агрессор (Эмомоли Рахмон — ред.) эл аралык аренада бизден кечирим сурадыбы?» деп суроо салган активист.
Анын пикирин өзгөртүүсүз беребиз:
«Достор, учурдагы бийлик Тажикстанга каршы аба мейкиндигин жаап салганда элибиз ЫРАС БОЛДУ, ТУУРА БОЛДУ деп кубаттаган болчу.
Агрессор эки жолу катуу кол салды (2021 жана 2022). Экөөндө тең жарандарыбыз курман болушту. Экөөндө тең материалдык чыгымдар келтирилди…
Турак-жайсыз калгандарга кышка чейин үй салып беребиз дешкен болчу — дагы деле үйлүү болуша элек…