Элмира Мукамбетова: «Исманкуловдун клиникасы имаратты бошотуп бере элек»

Элмира Мукамбетова: «Исманкуловдун клиникасы имаратты бошотуп бере элек»

22-жалган куран, 2022-ж // // Айпери Осмоналиева

«Алмазбек Исманкуловдун көздүн микрохирургиясы» клиникасы жакында №2 оорукананын аймагындагы имаратты бошотот. Бул тууралуу ал оорукананын башкы дарыгери Элмира Мукамбетова билдирди.

Анын айтымында, клиника имаратты бошотуп бере элек. «Бирок мага документ маселелери чечилгенин айтышты. Алар жакын арада имаратты бошотуп бериши керек», — деди ал.

«Алмазбек Исманкуловдун көздүн микрохирургиясы» клиникасы 1998-жылдан бери Байтик-баатыр жана Жантөшев көчөлөрүнүн кесилишиндеги оорукананын аймагындагы имаратты ээлеп келет. Жакында борбор калаанын мэриясы клиника менен ижара келишимин бузган, бирок имарат бошотула элек.