Тогуз ай директорсуз иштеп келген «Сулайман-Тоого»жетекчи дайындалды

Тогуз ай директорсуз иштеп келген «Сулайман-Тоого»жетекчи дайындалды

03-бугу, 2023-ж // Коом // Айпери Осмоналиева

Тогуз айдан бери директорсуз иштеп келген “Сулайман-Тоо” улуттук тарыхый-археологиялык музей комплексине жаңы жетекчи дайындалды. 3-майда жаңы директор Гүлбара Абдыкалыкова мекеменин эмгек жамаатына расмий тааныштырылды.

42 жаштагы Абдыкалыкова 2020-2022-жылдары Улуттук тарых музейинин директорунун милдетин аткаруучу болуп иштеген, ага чейин Маданият, маалымат жана туризм министрлигинде башкы адис, Улуттук көркөм сүрөт өнөрү музейинде маркетинг бөлүмүнүн башчысы болуп эмгектенген.

Комплекске тогуз айдан бери жетекчи дайындалбай келген себеби атайын талаптарга туура келүүчү кадрды тандоо зарылчылыгына байланыштуу болгонун «Азаттыка» маданият, маалымат, спорт жана жаштар саясаты министринин орун басары Чыңгыз Эсенгулов билдирди.