Бишкек шаарында жана Чүй облусунда жашы жете элек балдарды тартуу менен синтетикалык баңги затын тараткан канал аныкталды. Бул тууралуу Улуттук коопсуздук боюнча мамлекеттик комитеттин басма сөз борборунан билдиришти.

Анын айтымында, телеканалдын уюштуруучулары чет мамлекеттердин биринде болгон. Жашы жете элек өспүрүмдөр чет элдик кураторлордун көрсөтмөсү боюнча ар кандай коомдук жайларда (сейил бактарда, скверлерде, бактарда) баңгизатын  ташып жеткиришкен. Ар бир адам алдын ала төлөм аркылуу координаттары тууралуу толук маалымат алып турушкан. 

Материалдар КР Кылмыш-жаза кодексинин 282-беренеси «Баңги каражаттарын, психотроптук заттарды жана алардын аналогдорун сатуу максатында мыйзамсыз даярдоо» менен каттоого алынып. Укук коргоо кызматкерлери чет мамлекеттердин компетенттүү органдары менен биргеликте телеканалдын чет элдик уюштуруучуларын издөөгө киришти.

Улуттук коопсуздук боюнча мамлекеттик комитети баңги каражаттарын, психотроптук заттарды жана алардын аналогдорун мыйзамсыз жүгүртүүгө катышкан жарандар 14 жаштан баштап кылмыш жоопкерчилигине тартыларын эскертет.