Ростов-на-Дону шаарынын тургундары 23 жаштагы аял менен 32 жаштагы эркек сегиз айлык кызын өлтүрүүгө шектелүүдө. Ымыркайдын сөөгү батирден, муздаткычтан табылган. Бул тууралуу СтарХит жазды.
Тергөө 23 жаштагы аял менен 32 жаштагы кишиге кылмыш ишин козгогон. Жубайлар сегиз айлык кызын өлтүргөн деп айыпталууда. 29-апрелде апасы кызынын жоголгону тууралуу полицияга кабар берген. Полиция бул үй-бүлө жашаган батирге барышкан.
Үйдөн ымыркайдын денесинин бөлүктөрү табылган: сөөктөр идиштин ичинде жаткан, кээ бир бөлүктөрү эт туурагычтан өткөрүлгөн. Маалым болгондой, ата-энеси алгач кызынын денесин бөлүп, андан соң изин жашырууга аракет кылышкан. Бул үчүн сөөктүн бөлүктөрүн 13 баштыкка салып, биринин артынан бирин таштандыга алып чыгууну ойлошкон.