Президенттик хансарайдын айланасы тосмо менен курчалды.

Президенттик хансарайдын айланасы тосмо менен курчалды.

02-аяк оона, 2023-ж // Коом // Айпери Осмоналиева

«Ысык-Көл» мейманканасынын ордуна курулуп жаткан президенттик хансарайдын айланасына тосмо пайда болду. Ал жакында эле курулган

Эске салсак, «Ысык-Көл» мейманканасынын ордуна президенттин жаңы административдик имарат курулуп жатат. Курулушка президент Садыр Жапаров 2022-жылдын 15-апрелинде старт берген. Объекттин баасы 35 млн долларды түзөт.

Жалпысынан имараттын курулушу абдан кызуу жүрүп жатат. Куруучулар күнү-түнү иштеп жатышат. Аймакта жана анын айланасында жакшыртуу иштери жүрүүдө.

Бийлик мындан үч жыл мурда мамлекеттик мекемелердин айланасындагы тосмолорду алып, «тосмо менен бир да маселе чечилбейт» деп түшүндүргөн.

«Маселе өзүбүздө, элдин өз көйгөйүн Жогорку Кеңешке жана бийликке жеткире албаганынан улам нааразычылыктар, толкундоолор жаралып жатат», — деген ошол кездеги Жогорку Кеңештин төрагасы Талант Мамытов. Ал Ак үйдүн айланасындагы тосмону бузуу идеясы Садыр Жапаровго таандык экенин айткан.

Бирок бул демилге президентке тиешелүү мамлекеттик имараттарга тиешеси жок өңдөнөт. Мисалы тосмолорду бузуу иштери кызуу жүрүп жатканда «Ала-Арча» мамлекеттик резиденциясынын айланасындагы тосмо алынбастан, тескерисинче бекемделип, кеңейтилген.

Эми кезек хансарайга келди окшойт. Анын айланасы бийик тосмолор менен курчалды.

Буга чейин мамлекеттик курулушту аяктоо мөөнөтү президенттик администрацияда жашырылган, бирок мамлекет башчы өзү 13-октябрдагы КМШ өлкөлөрүнүн башчыларынын саммитине чейин бүтүрүүнү пландап жатышканын билдирген.

Булак; Аргумент кж