Гүлшайыр Садыбакасова: «Жаңы жылдан кийин филармониянын жетекчилигинен кетейин дегем»

Гүлшайыр Садыбакасова: «Жаңы жылдан кийин филармониянын жетекчилигинен кетейин дегем»

26-бештин айы, 2022-ж // Шоубизнес // Айпери Осмоналиева

«Мен министрликке 3 айдан кийин кетем деп айткам». Бул тууралуу Кыргыз Республикасынын Эл артисти Гүлшайыр Садыбакасова Оштогу филармониянын айланасындагы чыр тууралуу маалымат берип жатып билдирди.

«Жылды жыйынтыктап, отчет берип коюп кетем дегем. Дарыгерлер ак кагаз, компьютер караба дешти. Күнгө чыкканда кара көз айнек тагыш керек деп жатат. Биз кечке кагаз карайбыз да. 6 айдан бери дарыланып жатам. Ден соолугум жакшы болгону менен маселе көздө болуп жатат. Ошондон улам кетем дегем. Эми ызы-чуу болуп эле… Болору болду»,- деди ал.