Бишкекте 27 жаштагы жигит шаардагы дүкөндөрдүн биринин кассасынан акча уурдого шектелип кармалды. Бул тууралуу Октябрь райондук милициясынан билдиришти.

Маалыматка караганда, 14-октябрда болжол менен саат 16:20да белгисиз жаран Юнусалиев көчөсүндө жайгашкан гипермаркеттин кассасынан 45,8 мин сом уурдап кеткен. Бул окуя боюнча милицияга арыз жазылган.

Аталган факт каттоого алынып, Кылмыш-жаза кодексинин 205-беренеси (уурдоо) боюнча кылмыш иши козголгон.

Ыкчам-тергөө иштеринин натыйжасында шектүү катары 27 жаштагы жигит кармалган. Октябрь райондук соттун чечими менен ал №1 тергөө абагына 2 айга камака алынган.

Милициядан билдиришкендей, учурда анын ушул сыяктуу башка кылмыштырга катыштыгы бар экени аныкталган.

Булак: Аргумент кж