Гапар Айтиев атындагы Көркөм сүрөт музейинде «Теория жана практикум» аталыштагы көргөзмө өтөт. Анда Кыргыз Республикасынын дизайнерлер Союзунун мүчөлөрү, белгилүү дизайнерлер «Уулман» брендинин негиздөөчүсү Инискан Турганказиева, «Mountain Cedar Woolens” брендинин ээси Гулмира Акматова жана “CholponA Design» брендинин автору Чолпон Антониссенс тарабынан даярдалган жүндөн токулган кооз кийимдер коллекциясынын көргөзмөсү жана III Жогорку окуу жайлардын стунденттердин ортосунда керамика, графика жана мода дизайн көргөзмөсү болот.   Көргөзмөнүн коноктору «Алтын ийне»кийим дизайнерлеринин жаштар сынагынын жеңүүчүлөрүнүн эмгектери менен таанышууга мүмкүнчүлүк алышат. Кыргызстан дизайнерлер бирлиги студенттерге жана жаңыдан иштеп келе жаткан дизайнерлерге колдоо көрсөтүп келет. Аталган көргөзмө мугалимдердин жана алардын окуучуларынын ишин, келечектеги дизайнердин жана чыгармачыл адамдын өнүгүүсүнө кошкон салымын баалоо үчүн сонун мүмкүнчүлүк. Студенттердин иштери кесипкөй дизайнерлерден турган конкурстук комиссия тарабынан бааланат. Көргөзмөгө кызыккандар 14-апрель күнү саат 15-00до Музейге келип,  «Алтын ийне» кийим дизайнерлери менен жакындан таанышууга мүмкүнчүлүк алат.