Бул тууралуу ал Facebook баракчасына жазды.
Жоошевдин айтымында, буга үй мыйзамдуу түрдө конфискацияланып, Мамлекеттик мүлктү башкаруу фондунун балансына өткөрүлүп берилгени менен, чындыгында бул үйдө экс-президенттин үй-бүлөсү жашаганы себеп болгон.
«Эсиңиздерде болсо, 2022-жылы жай айларында Кой-Таштагы үйдүн аймагына Мамлекеттик мүлк фондунун өкүлдөрү жана сот аткаруучулар өз ыктыяры менен көчүп кетүү талабы менен келишкен.Бирок экс- Президенттин үй-бүлөсү үйдөн чыгуудан баш тартышкан, анткени бул алардын Батукаевдин иши боюнча мыйзамсыз конфискацияланган мүлкү.
Эгерде ижарачылар өз ыктыяры менен көчүүдөн баш тартса, анда мыйзам боюнча сот аткаруучулар сотко кайрылууга тийиш жана соттун мыйзамдуу күчүнө кирген чечиминин негизинде гана мажбурлап чыгаруу жүргүзүлүшү мүмкүн.
Андай сот актысы болгон эмес, азыр да болушу мүмкүн эмес. Батукаевдин бошотулушу боюнча сот өкүмдөрү жокко чыгарылды. Буга байланыштуу бардык конфискацияланган мүлк мыйзамдуу жана иш жүзүндө ээлерине кайтарылууга тийиш», — деп жооп берди Жоошев.