Үч баланын энеси күйөөсүнүн кордугунан кийин өз жанын кыйган. Бул тууралуу укук коргоочу Назгүл Турдубекова Facebook баракчасына маркумдун жакындарына шилтеме берүү менен билдирди.

Анын айтымында, окуя бүгүн,  Бишкекте болгон.

«Өз жанын өзү кыйды, ал каза болду. Анын жакындарынын алдын ала маалыматтарына караганда окуя — күйөөсүнүн зордук-зомбулугунан кийин орун алган. Бирок алар анын мындай ишке барышына ишенишпейт. Балдары жетим калышты», — деп жазган Назгүл Турдубекова.

Белгилей кетсек, 18-сентябрда Прогресс айылында мас абалындагы адам кошунасын бычактап салган. Ал ооруканада каза болгон. Ал эми 19-сентябрда Ош облусунун Кара-Кулжа районунда аял үйүнүн короосунда асынып алган.

Башкы беттеги сүрөт: иллюстрациялык.

Булак: Аргумент кж