Бишкекте эркек киши аялы менен алты айлык баласын катуу сабап салган. Бул тууралуу укук коргоо органдарынан билдиришти.
Алардын маалыматы боюнча, милицияга Полевой көчөсүндөгү үйлөрдүн биринде үй-бүлөлүк зомбулук болгондугу тууралуу билдирүү түшкөн. Эркек киши аялын системалуу түрдө сабап жүргөндүгү, бирок бул жолу аялынан тышкары алты айлык баласына да зыян келтиргени жеринде аныкталган.
Аял баш мээсине травма алып, бети жана денесинин башка жерлеринен жаракат алып, Улуттук госпиталдын травматология бөлүмүнө жаткырылган. Алты айлык бала балдардын тез жардам ооруканасына (3-шаардык балдар ооруканасы) жаткырылган, анда ага «оң жак каптал сөөгүнүн сызыктуу сынганы (баш сөөктүн сыныгы)» диагнозу коюлган. Мындан тышкары, дененин бардык жеринде көгөргөн тактар жана сыйрылгандар катталган.
Кылмышка шектүү 1988-жылы туулган жаран кармалды.