Бишкекте аял кишини карактоого шектүү кармалды

Бишкекте аял кишини карактоого шектүү кармалды

11-аяк оона, 2023-ж // Коом // Айпери Осмоналиева

Бишкекте каракчылыкка шектүү кармалды. Бул тууралуу Биринчи май райондук милициясынан билдиришти.

Белгилүү болгондой, милицияга Б.Н. аттуу аял киши кайрылып, 9-сентябрга караган түнү саат 00:50 чамасында белгисиз адам бычак менен коркутуп, 26,8 миң сомдук PocoХ3 телефонун тартып алганын билдирген.

Аталган факт боюнча Кылмыш-жаза кодексинин 207-беренеси (каракчылык) боюнча кылмыш иши козголгон.

Ыкчам-издөө иштеринин жүрүшүндө шектүү катары 2005-жылы туулган К.Д., аттуу жаран кармалган. Ал райондук милициянын Тергөө кызматына жеткирилип, убактылуу кармоочу жайга камакка алынган.

Милициядан билдиришкендей, шектүүдөн каракталган телефон табылып алынган.

Учурда шектүүнүн башка кылмыштарга катышы бар же жоктугу текшерилүүдө.

Булак: Аргумент кж