«Мен Кыргызстандын жаранымын, 20 жылдан ашык стажы бар офицермин, жашы жете электерди кылмышка күнөөлөп, кылмышкерлерди жаап-жашырууга батынбайм», — деп билдирди ЖМК өкүлдөрүнө Бишкек ШИИБдин башчысы Азамат Ногойбаев.
«Эгер менин сөздөрүмдө катачылык болсо, кечирип коюңуздар»,- деди ал.
Ногойбаев белгилегендей, ал өзүнүн аракетин баамдап, айткан сөздөрү үчүн толук жоопкерчилик тартат. «Менин билдирүүлөрүмдү бурмалоого жана туура эмес чечмелөөгө жана коомчулукту адаштырбоого чакыргым келет», — деди ал.
Бүгүн, 3-апрелде Бишкекте ШИИБ башчысы Азамат Ногойбаевди кызматтан кетирүү боюнча митинг өтүп жатат. Митингге чыккандар, анын ичинде жарандык активисттер жана укук коргоочулар баш калаанын милициясынын имаратынын жанына чогулушту. Буга анын зомбулукка кабылган кыздар тууралуу билдирүүсү себеп болгон.
31-мартта Бишкек ШИИБдин башчысы Азамат Ногойбаев жашы жете электерге карата сексуалдык мүнөздөгү кылмыштар боюнча үн каткан. «Дайынсыз жоголгон кыздар балдар менен таанышып, анан өз ыктыяры менен жатышат жана ушундай болот», — дген ал.