Жанар Акаев «Жигули» алууга акча чогултуп жүрөт

Жогорку Кеңештин депутаты Жанар Акаев Баткен облусунун тургунуна «Жигули» алып берүү үчүн акча чогултуп жатат. Бул тууралуу ал өзүнүн фейсбук баракчасына жазды…
Анын айтымында, аталган унаа жүз миң сомдон кымбатыраак турат. Аны алып берүүгө өзүнүн акчасы жетишсиз.
«Достор, эгерде каалоочулар болсо жыл башында чогуу бир үй-бүлөнү кубантпайлыбы? Мен Баткендеги чек аралаш айылга эки ирет бардым, телефон номеримди калтырып кеткем. Жакында ошол жердеги бир үй-бүлө мага кат жазыптыр, жумуш жоқ, таксилеп тиричилик кылганга бир жигули сатып берсеңер өмүр бою ыраазы болот элек деп. Адатта бизге каражат сурап өтө көп, ар кандай
өңүттө кайрылышат. Бирок мен бул бүлөнү көрүп келгем, турмушуна топуккылган, шүгүр деп жашаган үй-бүлө. Өзүм эле сатып бергенге каражатым чектелүү, жигулинин баасы жүз миң сомдон бир аз ашат дешти билгендер. Беш-он миң сомдон он чактыбыз чогултсак болчудай. Тээ чек аралаш айылдан үмүт менен кайрылган адамды мостойтуп жооп бербей койсок жарабас. Каалоочуларга гана кайрылдым.
Эртеңден Ошто болом, Баткенге чейин барып тапшырып коет элек. Рахмат. Элсом, банк аркылуудегендер Айбек Жолдошев мырзага кайрылсанар. Айбек даяр», — деди эл өкүлү

Сиздин пикир