ДомойКоомДзюдочу жана милиционер Нурсултан Сталбек уулу сууга чөгүп каза болду

Дзюдочу жана милиционер Нурсултан Сталбек уулу сууга чөгүп каза болду

Кырсык кечээ түштө Чолпон-Ата шаарындагы пляждардын биринде болгон.
Кыргызстандык дзюдочу Нурсултан Сталбек уулу сууга чөгүп каза болду. Бул туурасында КРдин Дзюдо федерациясынын Facebook баракчасында жарыяланды.

Пост түндө жүктөлгөн.

«Спортчубуз Нурсултан Сталбек уулунун ата-энесине жана жакындарына көңүл айтабыз. Аза кайгыңарды тең бөлүшөбүз. Биз үчүн күтүүсүз кабар», — деп айтылган маалыматта.

Sputnik Кыргызстан маалымат агенттиги Сталбек уулунун машыктыруучусу Талантбек Дүйшөнбеков менен байланышканда, спортчу Ысык-Көлдүн Чолпон-Ата аймагында сууга чөккөндүгүн айтты.
«Нурсултан 1993-жылы Чүйдүн Байтик айылында туулган. Менин колума жаштайынан келген. Дзюдо боюнча чебери, КРдин чемпиону аталган. 2014-жылы жаракатынан улам чоң спорттон алыстап, ИИМдин кайгуул күзөт кызматында иштеп жаткан. Кырсык тууралуу досторунан кечээ түштө уктум. Ал Чолпон-Ата аймагында сууга чөгүптүр», — деди машыктыруучусу.
Ал Нурсултан Сталбек уулу КРдин Дзюдо боюнча курама командасына мүчөсү болгондугун жана Азия чемпионатында VII орунга ээ болгондугун айтты.
Укук коргоо органдарындагы булактар Нурсултан Сталбек уулу Чүй облусунун ички иштер башкы башкармалыгынын кайгуул күзөт кызматында иштеп жаткандыгын тастыктады.
Учурда ИИМдин коопсуздук кызматы кырсыктын себеби аныктап жатат.
Булак: Спутник

Эгер металлочерепица, профнастил же сайдинг алам десеңиз кийинки номерлерге чалыңыз: 0702-121100, 0772-121100, 0555-121100

Тектеш кабарлар

Эң көп окулууда