Турмуш курганыма 4 жыл болду, бул убакыттын ичинде жолдошум мен үчүн идеалдуу өнөктөш болчу, катуу урушкан күн деле эсимде жок. Акыркы убакта балалуу болуу жөнүндө көп ойлончу болдук, аракет кылып жатабыз, пландап жатабыз, бирок азырынча жыйынтык болбой жатат. Бул менин гормоналдык балансымдагы көйгөйлөргө байланыштуу, бирок ошондой болсо да күйөөм эч качан жемелеген эмес, эгер өзүбүз төрөй албасак, анда бала асырап алууну деле ойлонобуз деп жүрөбүз. Мага биздин үй-бүлөдө бир аз гана ынтызарлык жок болгону болбосо, идеалдуудай сезилчү. Менин эң жакын курбум бар, анын али үй-бүлөсү жок, ошондуктан аны менен көп убакыт өткөрүп, дүкөнгө көп барабыз. Өзү сулуу кыз, сырткы келбетине кам көрөт, залга да барат, ошондой эле жакшы акча табат. Күйөөм менен деле тааныш, бирок алар дээрлик жолугушкан деле эмес. Мен кызганбайм деле жана күйөөмө ишенем… ишенчүмүн, бир жагдайга чейин… Жолдошумдун жумуштан келе турган убагы жакындап калганда дүкөнгө барып, кечки тамакка нан сатып алууга чыккам. Текчелердин арасында мени жаман сүрөт күтүп турган экен — күйөөм курбум менен жөн гана сырдашпастан, аны акырын кучактап жатыптыр. Мени көрүшүп бири-биринен так секирип кетишти, бирок менин көргөндөрүм жетиштүү болду. Ыйлап, дүкөндөн чуркап чыксам, жолдошум артымдан чуркап келди. Көчөдө жолдошум эч кандай кучакташуу жок деп ишендирди, болгону жакын туруп калышканынан мага ошондой көрүнгөнүн айтты. Абдан аракет кылып ынандырды, мен деле ишенгим келди, бирок андай болбой койду. Үйгө келип, буюмдарымды чогултуп, ата-энеме жөнөп кеттим. Мен апам менен атама эч нерсе айткан жокмун, атамдын мүнөзү менен, атам сүйлөшүп-чечишкени сөзсүз бармак. Азыр мен ата-энем менен жашап, болгон нерселерди түшүнүүгө аракет кылып жатам. Ажырашууга эч кандай себеп жоктой, бирок мен күйөөмдү сүйөм деп ишенимдүү айтууга мүмкүн болбой калды окшойт. Курбум да чалып жатат, бирок аны менен сүйлөшкүм да келбейт, ал эмнени айтат ким билет. Эгер ал менин көзүмө көрүндү деп ынандырганга аракет кылса, мындан да жаман болуп кетеби деп корком, мен ага ишенбей калдым, же болбосо ал күнөөсү жоктой өзүн коргогонго гана аракет кылышы мүмкүн деп ойлойм. Эмне кылсам эми мындан ары?…
Күйөөмдү дүкөндө курбум менен кучакташып турганын көрүп калдым
Маалымат порталы — ар кандай темадагы жаңылыктарды жана макалаларды жазуу үчүн маалыматтарды чогултат жана талдайт: саясий, экономикалык, шоу-бизнес, коомдук жана турмуш