Депутат Өмүрбек Бакиров токол алганы калдыбы?

Алмамбет Анапияевдин өкүл баласы, депутат Өмүрбек Бакиров махабат дайрасында сүзүп жүргөндөй. Өздүк булактардын билдиргени боюнча, ал Жогорку Кеңеште бөлүм башчы болуп иштеген чырайлуу келинге баш кошууга камынып, тымызын токол алуунун камына өттүбү? Тар чөйрөдө кеп кызып, купуя тойду күткөндөр алакан ушалап отурушкандай. Молдокелер төрттөн алып жатканда, Өмүрбек бай-манап сыңарындай экинчи аял алууга алы жетсе керек. Бул жагы мыйзамга каршы келгени менен шарыятка бап жарашып жатпайбы! Дагы бир жарды бактылуу кылып, үй-жай, машинасын алдына белендеп берсе куп келишпейби? Мындайда эрге тийе албай жүргөн кыз-келиндер чап эле жармашат го? Кыскасы, кыргыздын саны көбөйө берсин, алдын ала бакыт каалайбыз!
 Азия ньюс гезити

Сиздин пикир