Башкы штабдын кызматкери пара менен кармалды. Бул тууралуу Улуттук коопсуздук боюнча мамлекеттик комитет (УКМК) кабарлады.
Мекеменин маалыматына караганда, бүгүн 13-декабрда ыкчам издөө иштеринин натыйжасында 18 миң сом пара алып жаткан жеринен Куралдуу күчтөрдүн Башкы штабынын коменданттык кызматынын бөлүм башчысынын орун басары колго түшүрүлдү.
УКМКнын Коррупцияга каршы кызматынын материалдарынын негизинде аскердик прокуратура кылмыш ишин козгоп, тергөө башталды.
Булак: Азаттык