Тийиштүү буйрукка калаа башчысы Азиз Суракматов кол койду.
Бишкек шаардык мэриясында кадрдык өзгөрүүлөр болуп, жаңы үч вице-мэр келди. Бул тууралуу муниципалитеттин маалымат кызматынан кабарлашты.
Мекеме берген маалымат боюнча мэриянын транспорт тармагын тескеген вице-мэр Максим Ситников да кызматынан бошотулду. Ал Октябрь районунун акими болуп дайындалды.
Ситниковдун ордуна мэриянын жер ресурстары башкармалыгын жетектеп келген Азизбек Алымкулов келди.
Ал эми социалдык маселелер боюнча вице-мэрликке Татьяна Кузнецова дайындалды.
Шаар куруу архитектура маселелери боюнча вице-мэрликке Уланбек Азыгалиев дайындалды. Ал буга чейин мэриядагы капиталдык курулуш башкармалыгын жетектеп келген.
Вице-мэр Рыспек Сарпашов ордунда калды.
- Буга чейин Бишкек шаарынын вице-мэри Асел Куламбаева өз каалоосу менен кызматтан кеткени айтылган.
Булак: Калыс Медиа