17-март күнү борборубуздагы «7-апрель» көчөсүндө жайгашкан «Медиа-форумдун имаратынын алдында 2002-жылдын жазында андагы бийликтин огунан курман болгон азаматтарды эскерип, алардын элесине куран түшүрүү вазийпасы болоору айтылып жатат. Ошол кандуу окуядан тарта ушул күнгө чейин аталган имараттын аймагында ар жылы сайын мындай эскерүүөткөрүлүп келген. Экс-президент А. Атамбаев да убагында 2002-жылдын 17-марттын, 2005-жылдын 24-март күнүн, 2010-жылдын 7-апрель окуяларын суверендүү мамлекетибиздин тарыхындагы Кыргыз элинин майтарылгыс акыйкатын, эркиндигин чагылдырган үч чоң ашуу катары сыпаттап келген. «Бул күндөрдү биздин эл, келечек муундар, небере-чөбөрөлөр эч качан, эч убакта эстеринен чыгарбашы керек!» деп да айтканы бар.
Айтмакчы, А. Атамбаев 2017- жылы бийликти тынч жол менен өткөрүп бергенден кийин эл менен бетме- бет кезиге элек болчу. Жогоруда айтылган мына ошол үч ашуунун бири болгон 17-март күнү, эскерүү иш чарасында, бизге жеткен маалыматтарга таянсак Алмазбек Атамбаевдин эл менен жолугушуусу болоору айтылып жатат…
Булак: Айгай