Чынын айтсам, учурда тынч жашоону самап эртерээк экиге бөлүнүп алсам деп эле тилеп турам. Хейтерлерге карата мыйзам жолунда чара көрүп аларды жоопко тартканда деле жыйынтык болбойт деп ойлойм. Анткени телефон номерлерин алмаштырып салышат же катталбаган номер менен кирип эле бир нече фейк баракча ачып жаза беришет. Менин баракчамда байырлаган хейтерлер менен мамилем жакшы эле, айрым суроолоруна жооп берип, жакпагандарын кара тизмеге киргизип коём. Алар менен күрөшпөйм деле, сенде баары жайында болсо хейтерлерге деле жумурткадан кыр издегенге шылтоо табылбай калат да, туурабы? Андыктан мага алардын аракеттери маселе деле жаратпайт.
БУЛАК: Леди.kg