Ошентип, өкмөт өлбө жаным өлбө деп жатып, өз ордунда калды. Бирок өкмөттүн элден эң көп сын уккан ишке жарамсыз, дайым ызы-чуу менен жүрүшкөн мүчөлөрү: Билим берүү министри Кудайбердиева, Саламаттык сактоо министри Космосбек Чолпонбаев, Экономика министри Олег Панкратов, Айыл чарба министри Нурбек Мурашев дегендер кызматтан сөз жок кетиши керек эле.
Абылгазиевдин го бул маселеге тиши деле өтпөйт, бирок ажо Жээнбеков төртөөнү бирдей төрдөн «Чык эшикке» деп кубалап чыгышы керек. Жөн эле кубалап ийбей, былык иштери үчүн жооп бергидей кылуу зарыл. Президенттин ушул маселеге эрки жетеби? Деги бул ишке жарамсыздарды эмнеге кармап турат? Же булар ажого укмуш аюу кызматын көрсөтүп жатышабы?
Булак: Багыт.кж