Ташиевдин нефтебазасы өрттөнүп кетти…

10-май күнү болжол менен саат 10:00дө Жалал-Абад шаарынын Шерматов көчөсүндө мунай базасынан өрт чыккан. Өрттү өчүрүүгө ӨКМден 182 өрт өчүрүүчү, 12 өрт өчүрүүчү унаа, 2 автошаты, Жалал-Абад шаарынын Жарандык коргонуунун күч каражаттары, башка иш каналардан кошумча 4 өрт өчүрүүчү унаа артылган.

Өрт саат 17:25те чектөөгө алынып, саат 00:17ден толук өчүрүлгөн. Нефтебазанын аймагына  жакын  жайгашкан турак жайлардан болжол менен 2000 жаран турган уруктарынын үйлөрүнө эвакуацияланып, коркунуч жоюлгандан кийин жашаган үйлөрүнө кайтышкан. Бул нефтебазадан өрт чыгышына азырынча күйүүчү май ташыган унаа себеп болгону айтылууда. Аталган нефтебаза саясатчы Камчыбек Ташиевдики. Ал көп жылдан бери күйүүчү май бизнеси менен Жалал-Абаддын көпчүлүк бөлүгүн камсыздап келген.

БУЛАК: Багыт.кж                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                               



Сиздин пикир